Vawiin khan Mizoram a Cabinet thukhawm chuan Mizoram sawrkar hnuaia hnathawkte hlawh chungchang a ngaihtuah a. Mizoram sawrkarin Pay Committee a ruatte report sawiho a nih hnuah Pay Committee in recommendation a pek, tlem a zawng tidanglamin sawrkar hnathawk nghet (regular employees) 42000 bawr bakah pension la mekte , adhoc-a thawkte, contract a thawkte, deficit school-a thawk leh UGC scale la zirtirtute, State sawrkar hnuaia Public Sector Undertaking a thawkte leh Autonomous District Council hnuaia thawk mi 34000 bawr velte pawh pay revision benefit hi pek tura thu tihtluk a ni. Ni 1.1.2016 atanga implement tura tih a ni a, mahse Mizoram sawrkar sum dinhmun en in financial benefit erawh chuan September ni 1, 2018 atanga pek tura tih a ni. Hemi avang hian cheng vaibelchhe zali (400 crs) vel kumin Financial Year chhung hian sawrkar-in a sen belh a ngai dawn a ni.