‘World Optometry Day’ hi March ni 23 ah hman thin a ni a. Kumin hian a vawi khatna atan RIPANS a BSc Optometry & Ophthalmic Techniques Zirtirtu te leh Zirlai te’n Mizoramah he ni denchhen hian vawiin hian hun an hmang a. Mit hi a hlu in uluk a ngai tih hria in Zemabawk leh Bawngkawn inkara rawra chhu te hnenah Protective glasses/Safety goggles (mit venna tarmit) a thlawnin sem a ni a. Mit enkawl dan tlangpui Mizo tawnga ziak sem a ni bawk.

OPTOMETRY tih leh OPTOMETRIST tih hi kan hmelhriat lar vak loh anih hmel a. ‘Optometrist’ hi mit lam enkawlna kawnga pawimawh tak, India ramah chuan mit daktawr te puitu emaw a tul dan a zirin mit daktawr hnena a hun taka mit lama harsatna nei te kawhhmuhtu an ni a. Tarmit, contact lens leh low vision aids te pawh an chawh thei an ni. Chubakah kawng chi hrang hranga mit test na khawl (equipments) te pawh hmang thiam an ni.