Mizoram Thalai Kristian Pawl (MTKP) Inkhawmpui vawi 45-na Haulawng khua a neihah, nimin Patianni ni 24 March 2013 khan Chief Minister Pu Lal Thawnhawla chuan a hmanpui.

Chief Minister chuan Mizoram Thalai Kristian Pawl Inkhawmpui chhimtu zawng zawngte chu Inkhawmpui Chibai a buk a. Thalai Kristian kal khawmte chu Pathian thil siam zawng zawng hnena chanchintha hril tura fuihin, hnam zahawm leh changkang, hnam intodelh ni turin, ringtu kan nih ang ngei a taimakna, dikna, rinawmna leh Pathian tihna nung nen theihtawp chhuah a, thahnemngai taka tan la turin a chah a ni.

Chief Minister hi tukin zing khan Aizawl lo thleng lehin Assembly Budget Session neih mekah a tel leh nghal a ni.