Information & Public Relations Department chuan World Photography Day pualin August Ni 19, 2019 hian Vanapa Hall ah Photo Exhibition-cum-Competition a buatsaih dawn.

Hemi ni lawmnan hian I&PR department chuan Photography lama tui zawng zawngte tel theihna turin Photography Competition a buatsaih dawn a, a duh apiang tan Ni 9 August 2019 tlai dar 5:00 hma in Directorate of Information & Public Relations, Treasury Square, Aizawl ah emaw diprmizoram@gmail.com ah jpeg format a thehluh theih a ni.

Photography competition hi thuang hnih a then a ni anga, Mobile camera leh DSLR camera hmangte a hranga endik tur a ni ang. Mi pakhat tan thlalak pakhat zel thehluh theih a ni anga thlalak thehluh zingah  Intellectual Property Right dan dinglai hrang hrang bawhpelh an awm anih chuan inelna atanga chhawk anni ang. Lawmman Ni 19 August 2019 ah sem a ni anga, Category pahnih atan lawman pakhatna chu cheng 6000, pahnihna cheng 4000, pathumna cheng 2000 leh consolation prize mi panga hnenah cheng 1000 theuh hlan anni ang.

Thlalak thehluh tumte chuan hming, phone number leh address lehkha phekah chiang taka ziakin thehluh tel tur a ni.