Kar leh thawhtanni 11th July khian Kolasib District ah World Population Day hman a ni dawn a, tun tum hi Kolasib District a a vawi khatna tur a ni dawn a, District Health Society buatsaiha neih tur a ni.

Chhun dar 12 ah Kolasib Civil Hospital hmuna DMS Conference Hall-ah DC Pi Niharika Rai, IAS chuan a hawng dawn a. Hemi hmun vekah hian Health Mela buatsaih zui nghal a ni ang a, Doctor thiam tak tak, Medicine, Surgery, Gynaecology, Eye leh Ayush Doctor ten a thlawnin a duh apiangte an en dawn a. Population Control chungchang zirtirna pein lemchan tawi entir a ni bawk ang.

World Population Day hi July 11 atanga July 24 thleng neih tur a ni dawn a. Hemi chhung hian nitin darkar li chhung mipui tan in entirna neih thin a nih dawn bakah a remchan dan angin khaw hrang hrangah Mobile Medical Unit ten Health clinic an buatsaih thin ang a. Mihring pung chak lutuk venna lama sawrkar laipui duh dan leh programme te puanzar thin a ni dawn a ni.