Vawiin chawhma dar 11 : 00AM khan I&PR Conference Hall, Siaha-ah “Mawhphurhna hlen turin Ruahmanna siam rawh” tih thupui hmangin Ministry of Health & Family Welfare, Government of India bul tumin, Reproductive & Child Health, NHM hnuai-ah “World Population Day & Launching of District Intensified Diarrhoea Control Fortnight” chu hlawhtling taka hman a ni.

He Ni hmanna inkhawm hi Dr HT. Phosa, Chief Medical Officer, Siaha District, Siaha chuan a kaihruaia, Khuallian Pu R.Zarzosanga IAS, District Bawrhsap chuan thu sawiin Health & Family Welfare Department chu hriselna kawngah hma nasa taka latute an ni tiin mipuite tana nasa taka hnathawktute an ni ati bawk. He mi avang hian Naupiang hlim thihna (Infant Mortality Rate) ah pawh kan District chu kan tlahniam chak hle a ni a ti a, mipuite zirtir tam leh hrilhriat tam a pwimawh a ni ati bawk. Mi rilru sukthlek tih danglam a harsat thu sawiin a thawktute an pawimawh zia a sawi a, District chhung-ah in kal pawhna kan neih that loh zia thute sawiin Mizoram State Sawrkar-in sum lamah hrasatna namenlo a tawk chung pawhin Health & Family Walfare Department chuan theihtawp chhuahin hma a la thin a ni a ti a, khawlum zuallaia naupang Kawthalo lengthei te pawh awmze nei taka Do dantur kawngah pawh nasa taka hmalak a ni ati.

Health Department a hnathawkte kan in daihlo em em a, nausen pianghlim thih na thleng thin chungchangah Siaha District chu mihring kan tlem avangin Percentage a lakin kan Record hi a sanghma em em a ni tiin, he World Population Day hmanna-ah hian Dr. Lalnunziri, S.M.O chuan ‘Intensified Diarrhoea Control Fortnight’ tih thupui hmangin thu a sawia, Dr. C. Hnichho, D.I.O chuan ‘World Population Day & Mission Indradanush’ tih thupui hmangin thu a sawi bakah Dr.C. Lalrosanga, D.M.S chuan ‘ Prime Minister Safe Motherhood Scheme’ tih thupui hmangin thu a sawi a, Dr. S. Beihrokhu chuan ‘Dengue’ natna chungchangah kalkhawlte zawhna leh chhanna hun a hmanpui a ni. Mary Vanlalpeki, District Programme Manager chuan lawmthu sawina neiin he Programme hi a titawp a ni.