Vawiin ni 8.7.2016 hian Environment, Forests & Climate Change Deptt. chuan PCCF Conference Hall, Aizawl ah Deptt. in scheme hrang hrang hnuaia a hmalakna leh thil pawimawh dangte thlir letna – Review Meeting an nei.

He meeting hi Pu Lalram Thanga, IFS, PCCF & Pr. Secy in a kaihruai a. Tunhnaia IFS Officer, Mizoram segment atanga promotion hmuthar Pu Lalrinmawia leh Pu Umakant, CF atanga CCF a kaisangte, Pu Lalthlamuana Pachuau, DCF atanga CF a kaisangte a lawmpui thu a sawi a. Hemi hnu hian Department hnuaia hmalakna hrang hrang Eco-tourism, Wildlife Protection, Grant under 14th finance Commission, Administration leh thildang pawimawh hrang hrang te sawiin, Monthly Return submit pawimawh dan te, Plantation atana tall seedlings neih a pawimawh dan te, Plantation journal leh digitized map update a tulna te leh monitoring atana thlalak that a pawimawh thu sawiin, DFO zawng zawng ten anmahni bial theuhah Department Plantation te, Notified Forest leh Wildlife Protection chung chang leh administration chung changah te theihtawpa hna thawk turin a sawm a ni.

He meeting ah hian DFO zawng zawng ten kum 2015-2016 leh kum 2016-2017 1st quarter chhunga Achievement Report te Power Point Presentation hmangin an pe a, Revenue Target 2016-2017 leh tun dinhmun achievement te sawi ho a ni a, Fire Prevention Week leh Green Mizoram Programme te DFO hnen atanga ngaihthlak ani a, Bairabi Rail Station atanga mimal thing rail wagon- hmanga thawn chhuah chung chang te sawiho ani bawk.