Vawiin chawhma dar 11.30Am khan Krishi Vigyan Kendra, Siaha District buatsaih in I&PR Conference Hall, Council Vaih-ah World Soil Day leh Rabi Campaign Programme hman a ni.

He Programme hmanna-ah hian Dr. Vanlalhruaia Hnamte, Senior Scientist & Head, K.V.K, Siaha District, Siaha chuan kaihruai in khuallian atan Dr. Chawngkhuma Chawngthu, President AMFU, Siaha District, Siaha chu khuallian niin a hmanpui bawk. He Ni hi khawvel pumpui ah World Soil Day a hman a nih dan chungchang zirtirna Dr. T. Vanlalngurzauva, Scientist (Soil Science), K.V.K Siaha-in a pek bakah, Rabi Campaign/Sanmelan hman nghal niin hlawk zawk a thlasik thlai hrang hrang chin dan zirtirna Pi S. Sisi, Scientist (Horticulture), K.V.K Siaha -in a pe bawk. Siaha District hmun hrang hrang atanga lakkhawm Soil Samples enfiah te tan Soil Health Card pek chhuah a ni a, hlawk zawka thlai thar chhuah nan a Lei sawngbawldan dik leh tha chungchang zirtirna ngaihthlak a ni. Hemi bakah hian Krishi Vigyan Kendra, Siaha District, Siaha chuan kawng hrang hrang a an hmalakna kut hnathawktute hnenah chhawpchhuah leh entir a ni bawk.

He Programme hi kut hnathawktuten an hlawkpui hle a ni. Dr. Lalzaidami, Scientist (AH&Vety) in lawmthu sawiin vawiin Campaign Programme hi a titawp a ni.