Khawvel huapa TB Do Ni, World TB Day chu vawiin khan I&PR Conference Hall-ah hman a ni a. Health & Family Welfare Minister Pu Lalrinliana Sailo Khuallian a ni.
Mizoram sorkar Health department chuan Revised National TB Control Programme (RNTCP) hnuaiah TB natna enkawl dan thar ber, damdawi petu mithmuh laia damdawi ei,Directly Observed Treatment (DOT)chu kum 2003 atangin a kalpui tawh chungin tunah hian Mizoramah thla tin TB vei thar mi 211 vel hmuh chhuah a ni a. Hemi zinga 80% hi chuap TB niin 20% chu chuap pawn lam TB vei an ni.
Thu sawiin Khuallian chuan Health department hnuaia thawktu lu ber atanga DOT provider thlengin TB natna umbo tura an beih dan leh hnathawktute inpekna chu a fak a. Amaherawhchu thla tin TB vei hmuh chhuah thar la tam dan atangin he natna umbo tur hian nasa zawka tan lak a la tul tih sawiin tuna hma lak mek belh chhahna tur kawng ngaihtuah a tul tih a sawi a. Health department hnuaia thawktute chu a kawng hre turte an ni tiin policy thar zam a tul pawhin an hnen atanga thurawn lak a ni ang, tiin a sawi. Khuallian chuan DOT Provider hnathawk tha Aizawl district atangin mi 5, leh district tin atangin mi 3 theuh hnenah lawmman a hlan a. TB Doral Lian tih music video chu a tlangzarh nghal bawk a ni.
He inkhawmah hian Dr.N.Pallai, Director of Health Services chuan thuhma sawiin DOT hmanga TB vei enkawl chu thingtlang lam aiin Aizawlah duh thu a sam lo tih a sawi a. Damlo ten damdawi ei tur zat leh inenkawl hun chhung dik tak an zawm loh vanga multi-drug resistance case 40 vel an awm thu leh hetiang veite chu enkawl dam hleih theih an nih tawh loh thu a sawi. RNTCP hnuaia hmalakna chungchang sawitu Dr.Malsawma, State TB Officer chuan DOT hmanga TB veite enkawl hi a sawt hle tih tarlangin damlo za zela 90% chuan an dampui a ti a. DOT hmanga enkawlna hi kum 2004 ah 86%, kum 2005 ah 91%, kum 2006 ah 91% leh kum 2007 ah chuan 92% ten an dampui niin a tarlang a. He natna inkaichhawn theih dan ber chu damlo khuh atangin a nih thu a sawi bawk.
World TB Day-ah hian DOT hmanga TB vei enkawl dam tawh mi 2, Pu Thanmawia Electric Veng leh Pi Zosangzeli Electric Veng te bakah Community DOT Provider aiawhin thawktu mi 2 ten thu an sawi bawk a. Dr.C.Lalthanmawia, Jt.Director (P) chuan lawmthu sawiin World TB Day inkhawmna hun hnung a khar a ni.
Thu sawiin Khuallian chuan Health department hnuaia thawktu lu ber atanga DOT provider thlengin TB natna umbo tura an beih dan leh hnathawktute inpekna chu a fak a. Amaherawhchu thla tin TB vei hmuh chhuah thar la tam dan atangin he natna umbo tur hian nasa zawka tan lak a la tul tih sawiin tuna hma lak mek belh chhahna tur kawng ngaihtuah a tul tih a sawi a. Health department hnuaia thawktute chu a kawng hre turte an ni tiin policy thar zam a tul pawhin an hnen atanga thurawn lak a ni ang, tiin a sawi. Khuallian chuan DOT Provider hnathawk tha Aizawl district atangin mi 5, leh district tin atangin mi 3 theuh hnenah lawmman a hlan a. TB Doral Lian tih music video chu a tlangzarh nghal bawk a ni.
He inkhawmah hian Dr.N.Pallai, Director of Health Services chuan thuhma sawiin DOT hmanga TB vei enkawl chu thingtlang lam aiin Aizawlah duh thu a sam lo tih a sawi a. Damlo ten damdawi ei tur zat leh inenkawl hun chhung dik tak an zawm loh vanga multi-drug resistance case 40 vel an awm thu leh hetiang veite chu enkawl dam hleih theih an nih tawh loh thu a sawi. RNTCP hnuaia hmalakna chungchang sawitu Dr.Malsawma, State TB Officer chuan DOT hmanga TB veite enkawl hi a sawt hle tih tarlangin damlo za zela 90% chuan an dampui a ti a. DOT hmanga enkawlna hi kum 2004 ah 86%, kum 2005 ah 91%, kum 2006 ah 91% leh kum 2007 ah chuan 92% ten an dampui niin a tarlang a. He natna inkaichhawn theih dan ber chu damlo khuh atangin a nih thu a sawi bawk.
World TB Day-ah hian DOT hmanga TB vei enkawl dam tawh mi 2, Pu Thanmawia Electric Veng leh Pi Zosangzeli Electric Veng te bakah Community DOT Provider aiawhin thawktu mi 2 ten thu an sawi bawk a. Dr.C.Lalthanmawia, Jt.Director (P) chuan lawmthu sawiin World TB Day inkhawmna hun hnung a khar a ni.
