Vawiin March ni 24, hi khawvel puma TB natna dona ni a nih angin hman a ni a, Aizawl I & PR Auditorium-ah hemi pual hian chawhma dar 11:00 khan World TB Day hi hman a ni a, Pu Lalrinliana Sailo, Health &Family Welfare Minister chuan a hmanpui.

Pu Lalrinliana Sailo chuan TB dona kawng a thawktute inpekna fakawm a tih thu sawiin nasa lehzuala tan la deuh deuh turin thawktute a chah a. NRHM leh RSBY a nasa takin hma a sawn a, state te zingah a titha pawl ber kan ni theih ta chu lawmawm a tih thu a sawi bawk. TB natna hi natna hlauhawm tak, thih ngei ngeina ang hial ah ngaih thin nimahse tunah chuan RNTCP hmangin a do rem hna kan kalpui mek a, hei hi a hlawhtlin lehzual theih nan mipuite leh thawktute hian thawhhona tha i nei zel ang u a ti a ni.

Thusawitu dang Dr.Vanlalhruaii chuan powerpoint presentation hmangin TB Natna awmzia leh nihphung bakah invenna leh enkawl dan ngaihnawm takin a tarlang bawk. TB lo vei tawh, dam taka inenkawl te leh DOT Plus thawktute hnen atangin thu bengvarthlak tak tak ngaihthlak a ni bawk a.

Dr.Lalthanmawia, Director, DHS chuan lawmthu sawiin programme hi tihtawp a ni ta a ni.