Nimin khan World T.B Day chu District Hospital Mamit-ah Health Department (RNTCP) leh Christian Medical Association of India (CMAI) bultumin hman a ni a. Tun World T.B Day thupui chu, "Reach the three millions", Find, treat and Cure T.B (T.B vei maktaduai 3 hmuh hmaih thin te chu zawng la, enkawl la, tidam rawh) tih a ni.
He hun hi Pu Hmingchungnunga, DPS Mamit-in kaihhruaiin, Dr. P.C Lalawmpuia, Medical Officer, Community DOT Provider, Pu A.Vansangliana CMAI leh T.B vei dam tawh ten thusawiin, T.B natna hlauhawmzia leh enkawl vat chuan natna tihdam theih anih thu te, sawrkarin theihtawp chhuaha hma a lak thu te tarlan a ni bawk.
Mamit District ah hian RNTCP hman a nih tan, 24 March, 2003 atangin T.B vei mi 730 enkawl an nih tawh thu te leh chung zinga 680 te chu enkawl dam an nih thu tarlan a ni bawk.
Dr. Zonunsangi, Medical Officer Mamit - in lawmthu hun a hmang bawk.
