Nimin khan Pu R.S. Lalzamliana, District Election Officer, Mamit, Chairman MCMC chuan Mamit a thuthar thehdarhtute a office chamber-ah a kawm.
Pu R.S Lalzamliana, District Election Officer chuan kan hmalawka MP kan thlan turah chanchinbu mite tih tur leh tih loh turte, Election Commission of India in a tarlante hrilhfiahin, inthlanna felfai leh thianghlim kan neih theih nana hmalakpuiah a sawm a. Paid News sawifiahin Political Party atangin emaw, Candidate atanga thuchhuah tur kan hrilhte chu MCMC atanga phalna nei leh neilo thliar hranga fimkhur taka hma la turin thuthar thehdarhtute chu a ngen a ni.
He inkawmhona ah hian thuthar thehdarhtute pawhin an thil hriat duhte sawichhuakin inhrilhfiahna hun hman a ni bawk.
Pu R.S Lalzamliana DEO chuan MP inthlan huna Media Centre turin DC Office bula NIC Room buatsaih a nih tawh thu chanchinbu mite chu a hrilh bawk.
He meeting-ah hian Chanchinbu mite, Cable TV Operator te leh DDK Stringer te an tel tha hle a ni.
