Vawiin kha World TB Day a ni a, he ni denchhen hian hmun dang rualin Hnahthial OPD Building-ah pawh hun hman a ni a. He hun Dr. Lalrengpuii Ralte, Medical Office, Sub District Hospital kaihhruaiah hian Pu VL. Liansanga, President, Village Council Hnahthial South-II chuan khuallian niin a hmanpui a ni.

Khuallian chuan thu sawiin, khawvela natna hlauhawm leh tih dam theihloh a an sawi thin TB natna do tur a thawktute inpekna chu fakawm tiin, Hnahthial-ah pawh hian TB natna vei tam tak an lo awm tawh a, an la awm mek bawk a, dam theihna tura hna thawktu Doctor/Nurse leh Health worker te thu awih hi a pawimawh a ni, a ti.

Thusawitu dang Dr. James Lalzuimawia pawhin TB natna inkaichhawn theih dan chungchang leh a enkawl dan chungchang zirtirna a pe a. Hei bakah Hnahthial chu Microscopic Centre chauh ni lo, TB Unit-a hlankai a nih thu te, thawktu Senior Treatment Supervisor in a thutchilh a ngaih thu te, hei hi reilo te-ah a hman theih dawn bakah Hnahthial khaw chhehvel, S. Vanlaiphai leh Pangzawl te pawh hemi hnuaiah hian a awm ang a, damdawi leh thil dang mamawh pawh central atangin direct in a lo thleng tawh dawn a ni, a ti.