4850/2024-2025

Dated the 27th March, 2025 : Vawiin March 27, 2025 khan Mizo Drama Society (MDS), Mizo Department, MZU leh Hrangbana College te tangkawpin an buatsaih World Theatrea Day 2025 lawmna chu I&PR Auditorium, Aizawl-ah hman a ni.

He hun hi Pi Carol V.L.M.S. Dawngkimi, Director, Art & Culture Department in Khuallian niin a hmanpui a. Pu H. Rotluanga, Professional Comedian chu Khual zahawm a ni thung.

Pi Carol VLMS Dawngkimi, Director, Art & Culture Department chuan Mizo Drama Society buatsaih 'Chantual Piahlam' (Beyond a play) lehkhabu a tlangzarh a. Drama chu inzirtirna leh kawng inkawhmuhna atana hmanraw heiham tak, khawgtlang nun siamthatna leh Ram leh Hnam inkaihruaina kawngah pawh hman tangkai theih a ni a ti.

Director hian Art & Culture Department hnuaia Institute of Music and Fine Arts (IMFA) ah  thla 3 course Drama zirna hawn a nih thu sawiin Drama lama tui mite te tan zir theih a ni a ti.

Pu Lalrinngheta Pachuau, President, MDS in inkhawm a kaihruai a, Pu Laltlanmawia, Secretary, MDS in report a pe a; Khual zahawm Pu H. Rotluanga'n thusawiin World Theatre Day pual Drama inziahsiak lawman a sem nghal a ni.