4851/2024-2025

Khawzawl, dated 27th March 2025: Vawin zing dar 7:30 khan Saitual District Laboratory chu PHE Department Engineer-in-Chief, Er. H. Duhkima'n a hawng. Khawzawl District Laboratory chu chhun dar 11:00 khan Er. H Duhkima hian a hawng bawk.

Heng District Laboratory te hawnna inkhawm hi Er. Liantluanga Chohte, Sr. Executive Engineer, Khawzawl WATSAN Division-in a kaihruai a, Chief Chemist, Pu Lalngaihawma'n Technical Report pein Er. Lalthanzuali, Superintending Engineer, Champhai WATSAN Circle-in thu a sawi bawk.

Engineer-in-Chief, Er. H Duhkima chuan thu sawiin kan bawlhlawh paih uluk loh avangin kan plastic paih ten kan tui hnar a thleng ta zel a, kan tui tlan a ti thianghlim ta lo a, uluk taka kan tui tlan te kan endik reng a ngaih tak thu a sawi a, hetiang a District Laboratory kan nei hi a lawmawm takzet a tih thu leh tangkai taka mipui ten an hman a duhsak thu a sawi a ni.