4853/2024-2025

Champhai, 27th March 2025: Champhai District Horticulture Office chuan vawiin khan District chhunga serthlum chingtu te tan district huap seminar ‘Role of Integrated Pest Management on Mandarin Orange Cultivation’ tih thupui hmangin an buatsaih a, he seminar hi hlawhtling taka neih niin serthlum chingtu mi 100 chuang an tel thei a ni. 

He seminar hi DHO Training Hall ah neih niin, Pi Lalrinchhani DHO, kaihhruaina hnuaiah neih a ni. Kalkhawmte lawmna thu sawiin, Pi Lalrinchhani chuan serthlum hrisel ṭha hlawk taka thar reng tur chuan kum tluan a tha thlah lova rannung leh natna lakah serthlum ven ṭhat angaih thu a sawi a. Serthlum chingtute chu seminar hmanga thiamna tak paw chhuak ngei leh resource person te zirtirna a taka zawm tur leh hlawkna an chan theuh theih nan duhsakna a hlan. 

Resource person-ah Pu Vanlalnunpuia, Asst. District Agriculture Officer, Champhai leh Pi Lalrinmawii, ADHO te sawm an ni a, serthlum chingtute chu thla tin a ser beitu rannung chi hrang hrang chungchang leh natna awm thei te laka ser kung ven dan zirtirna tangkai tak an pea. Rannung leh natna laka damdawi bik hman dan te leh a enkawl dan te an hrilhfiah a, a dose an hrilh thin aia sang mahni thu a hmang lo turin an chah bawk a ni.