Lawngtlai District DC Pu B. Lalhmingthanga chuan World Vision India Chhimtuipui ADP Lawngtlai buatsaih “Pumkhat Kan Ni Si” Music Video Album tlangzarhin, “Tunlai thangtharte hi khawvel hmasawnnain nasa takin min run a, electronic revolution kan tawn chhoh mek hi a tha zawnga kan hman a tul a ni” a ti a. Nu leh pa ten an fate mobile phone, computer leh internet hman dan an hriatpui a tul a ti bawk.

World Vision Music Video Album hi inrinni zanah khan YLA Hall, Lawngtlai - III ah tlangzarh a ni a. World Vision India Chhimtuipui ADP Lawngtlai hian naupang leh tleirawlten an chanvo dik an hmuh theihna atan leh an nun siamthaa venghim turin a bei thin a; nikum 2010 October thla atang khan music video album hi buaipui tanin he album-ah hian hla 12 a awm a, mi hrang hrang 16 an zai a ni.