Naktuk March ni 22, 2012 ah hian Public Health Engineer Department huaihawt in Vanapa Hall-ah World Water Day denchhenin ‘Siktuithiang Kut 2012’ hman a ni dawn a; khuallian ah Pu Lalkhama, IAS (Rtd.) Vice Chairman, State Planning Board, Mizoram a ni ang.

He ni pual hian Aizawl Thunders chuan zing dar 6:30 ah Aizawl khawpui chhungah motor cycle rally an buatsaih ang a ; school naupang ten zing dar 9:00 ah ‘walk for water’ tih thupui hmangin kawng an zawh dawn a ni.

Vanapa Hall-ah chawhma dar 10:00 ah Siktuithiang Kut 2012 hman a ni ang a. Intihsiakna hrang hrang lemziak, thlalak leh sms intihsiakna leh lawmman sem a hun hman a ni ang. Lemchan tawi, zai leh thu bengvar thlak tak tak ngaihthlak tur a awm ang a. Thlalak leh lemziak te pawh pho chhuah a ni ang.

Siktuithiang Kut 2012 hi Communication & Capacity Development Unit, PHE Department huaihawt a ni.