Vawiin khan Mizoram State Health Society (TB Control) leh Christian Medical Association of India (CMAI) buatsaihin Private Practitioners Meeting & TOT Soft Skills Training chu Tourist Lodge, Chaltlang-ah neih a ni.

He meeting ah hian Aizawl, Kolasib, Mamit leh Serchhip district huam chhunga Private Hospital leh registered NGOs te bakah Aizawl Civil Hospital atangin Specialist engemaw zat an kalkhawm a. TB enkawlna programme RNTCP chungchang, TB vei tihdam harsa bik Multi Drug Resistant TB enkawl dan tur leh RNTCP hnuaia NGOs ten scheme hrang hrang hmanga hna an thawh theih dan tur chungchang zir hona neih a ni a, Dr. Vanlalhruaii, State TB Officer, Dr. Zoramthanga MD(Medicine), Civil Hospital Aizawl leh Mr. Pamrichan Ragui, Project Coordinator, Global Fund TB Round 9, CMAI ten zirtirna an pe a ni.

Tun dinhmunah hian Mizoram bikah Durtlang Presbyterian Hospital leh Serkawn Christian Hospital te chauh hi Private Hospital zinga TB Programme nena thawhhona nei an ni rih a. Hospital dan te nen thawhhona tha zawk neih zel tuma ruahmanna siam mek a ni.

Private Practitioners Meeting & TOT Soft Skills Training hi Lunglei, Lawngtlai leh Saiha district tan 28th March, 2012 ah Lunglei ah neih leh a ni ang.