YMA General Conference vawi 66 na atana committee nimin khan an Chairman Pu P.C Zoramsangliana, Transport Minister/bialtu hovin Kolasib DC conference Hall-ah an thu khawm.

Chairman Pu P.C. Zoramsangliana chuan conference hmuah mek chu YMA conferenc thianghlim leh hriat reng tlak a nih theih nan mitin tan la turin a sawm a. Ruihhlo leh thil thalo dah bo tura YMA leh khawtlang tanlakna chu puibawm tura mitin chahin ruihtheihthil zuar thinte pawh conference chhung hi chuan lo insum tur leh zuar lo turin a ngen a. Inthlanna felfai leh thianghlim a awm theih nan YMA member te chu thianghlim lo taka campaign tilo turin a chah bawk.

Conference atana inbuatsaihna hi tluang taka kalpui zel a niin tun dinhmunah pandal pawh sak zawh thawkhat a ni tawh a. Reilote ah chei a ni dawn a, a chei turin hnam dang rawih an ni dawn lo a ni. Pandal hi a dung 210 ft leh a vang 150 ft. a zau a ni a. Pandal chhungah hian mi 10,000 zan leng tura ngaih a ni.

Khawmpui chhung hian power supply, buh leh tui thianghlim ah te, POL etc. ah harsatna tawk lo turin ruahmanna siam a ni a. Damloh thulha in enkawlna turin Civil Hospita-ah pawh khum awl 10 dah awl a ni dawn a ni.

Palai thlengtu khawsak harsa zual tan YMA Office ah buhfai 500 qtls. a man tlawma lei tur dah a ni dawn bawk a. Organising Committee chuan palai atam thei ang thawk chhuak turin branch tinte a sawm a ni.