Vawiin chawhnu dar 1 khan Chanem building, Champhai I & PR Auditorium-ah Faina Hapta 2011 kharna inkhawm neih a ni. Pu TT Zothangsanga, Champhai North bialtu MLA chu khuallian a ni.

Week kharna Pu Lalenglawma Pakhuangte, DUDO, Champhai kaihhruaina hnuaiah hian Pu TT Zothansanga chuan Mizo nunah faina in hmun a chang tlem hle tih zosapte thu hnutchhiah atangin a hriat theih a, an ni ho hmalakna a zarah fai pawimawhna in hun rawn chang chho in, kum zabi a lian hnuah chuan Mizo ten fai pawimawh zia a takin kan hre ta a ni, a ti. Pu TT Zothansanga chuan rampum thlirin faina kawngah nasa taka hmalak zui a tul thu tarlangin faina kawnga kan hnufual vangin ram pawn atanga min tlawhtute lakah timna leh inthlahrunna kan neih phah thin a, khawtlang hruaitute leh sorkar hruaituten dan tlawhchhana faina kawnga khawtlang tih tur khapna dante chhuah thin mahse hruaitu lamin an kenkawh that tawk thin loh avangin mipui lama zawm a hlawh tawk lo tih sawiin, faina kawngah hlawhtling taka ke pen tur chuan mimal tinin mawh kan phur a. Tifaitu kan nih loh pawhin ti bawlhhlawhtu ni lo hram tur leh he faina hapta hi khar nimahse faina kawnga hmalakna hi chu kum tluana kalpui tur a ni tih hrenawn leh turin kalkhawmte a chah bawk.

He hun ah hian Pu K. Lalfakawma, HA, UD & PA department Champhai leh Pu Lalhlupuia President MJA Champhai distict ten faina hapta puala hmalakna leh vengfai endik anih dan an sawi a. Champhai khawpui chhung V/C 16 zingah vengfai berah Kahrawt chu thlan a ni a, 2 na Venglai niin Vengthlang chu 3 na a ni a. V/C 13 te hnenah con solation prize siam a ni. Hotel & restaurant fai berah LR Restaurant thlan a ni a, 2 na Chawngthu Restaurant leh 3 na OK Restaurant te an ni.

Chawimawina thuziak leh sumfai kengtel lawmman hi khuallian Pu TT Zothansangan a sem a. Pu F. Lalhriatpuia, JE, UD & PA department in lawmthu sawiin he hapta kharna in khawm hi khar a ni.