Kumin October ni 19 atanga YMA General Conference neihna tur Pandal sak mek chu nimin zingkar khan media thenkhat ten an tlawh a, Pandal sak hna hi zawh thawkhat a ni tawh.Pandal tlawhtu Media te hi YMA Sub Hqrs Lunglei hruaitute chuan lo dawngsawngin Pandal sak chungchanga thil hriat duh an neih te an lo hrilhfiah a,Pandal Structure tundin hna hi September ni 8 atang khan thawh tan niin, khawpui chhung Branch YMA hrang hrang ten a chhawk a hnatlangin an thawk thin an ti a, hei bakah hian hlawhfa tha 241 chhawr ni tawh bawkin, hnatlang tha hi 655 a lut tawh bawk a ni an ti.Conference neihna tur Pandal Structure hi nakin zela Mizoram chhimlam in kan la mamawh zel tur anih avangin Sub Hqrs YMA Lunglei chuan a siam tir a, senso atan cheng nuai 13 dah niin, sum hian a daihloh hlek dawn niin alang YMA hruaitute hian an ti a, Pandal Structurebakah hian tlem zarbelh ni bawkin mi 5000 bawr vel leng thei tura Pandal chu buatsaih a ni an ti.
Thuthar lakhawmtute zawhna chhangin, Tresurer Pu R.Lalnunthara chuan YMA General Conference atan hian Budget cheng nuai 30 siam a ni a, tunah hian cheng nuai 20 chuang kan hmuh tawh bakah engemawzat chu kan hnathawh tawhna lak mai tur kan nei bawka, kan butget hi mithahnemngai leh tlawmngai te zarh tlin ngei turah kan inngai a ni a ti.
Hei mai bakah hian YMA General Conference dawn avang hian Thuamluaia mual chu tihchangtlun a nih phah thu Pu R.Lalnunthara chuan sawiin, Mual ko zawng zawngah Ralling tha tak siam niin, Thuamluaia mual panna kawngpui chhukchho tak chu lirthei veivak leh mihring tan a hlauhawm mai bakah accident pawh a awm fo avangin a panna kawngpui zal nuam zawk siam turinhmalak mek a ni. Thuamluaia Mual panna tur kawng thar tur hi, Lunglei venghlun Police Quarter lam atanga luh theih tura buatsaih mek niin, a sum senso ngai hi HPC lam atanga ruahman a ni a,helaia kawng a kal theih nan hian Home Minister Pu R.Lalzirliana chuan Police Quarter pahnih chu sawn tirin heng Police Quarter sak that leh na tur hi HPC chuan an tum ve thunga,Thuamluaia mual panna kawngpui chhukchho tak hel a, kawngpui zal nuam zawk siam anih theih nana hmalatu leh engkim ruahmanna siama sum senso ngai ngaihtuahtu HPC Vice Chairman Pu JosephLalhimpuia hmalakna chu lawmawm an tih thu an sawi bawk a ni.
Hei mai bakah hian YMA General Conference dawn avang hian Thuamluaia mual chu tihchangtlun a nih phah thu Pu R.Lalnunthara chuan sawiin, Mual ko zawng zawngah Ralling tha tak siam niin, Thuamluaia mual panna kawngpui chhukchho tak chu lirthei veivak leh mihring tan a hlauhawm mai bakah accident pawh a awm fo avangin a panna kawngpui zal nuam zawk siam turinhmalak mek a ni. Thuamluaia Mual panna tur kawng thar tur hi, Lunglei venghlun Police Quarter lam atanga luh theih tura buatsaih mek niin, a sum senso ngai hi HPC lam atanga ruahman a ni a,helaia kawng a kal theih nan hian Home Minister Pu R.Lalzirliana chuan Police Quarter pahnih chu sawn tirin heng Police Quarter sak that leh na tur hi HPC chuan an tum ve thunga,Thuamluaia mual panna kawngpui chhukchho tak hel a, kawngpui zal nuam zawk siam anih theih nana hmalatu leh engkim ruahmanna siama sum senso ngai ngaihtuahtu HPC Vice Chairman Pu JosephLalhimpuia hmalakna chu lawmawm an tih thu an sawi bawk a ni.
