YMA General Conference pual atana Mizoram KVI Board in an buatsaih District Level PMEGP Exhibition, tun kar chhung awh tur chu Art & Culture Minister Pu PC Zoramsangliana chuan Kolasib New Diakkawn Community Hall-ah vawiin khan a hawng ta.

Hawnna inkhawm Pu K. Lianzuala, Chairman, MKVI Board kaihhruaiah hian thu sawiin Pu Ramsanga chuan Mizote chu PMEGP hmang tangkai turin a fuih a, eizawnna bul tan nana KVI in an hnen atanga Loan late tana Margin Money 35% a dah sak chu thil hlu tak, mi taima te tan chuan din chhuah theihna ngei tur a ni, a ti a. Hei hian Loan late phur rit a chhawk thei hle a ni, a ti a ni. Mizoten kan hnam incheina mawizia hriain inbel uar ila. Tun YMA Conference- ah pawh hei hi a takin I hmang nghal ang u, a ti a. Mizo design leh thil siam ti lar a, pho chhuaktu MKVI te hnathawh pawh hi a ropui hle a ni, a ti a ni.

Pu Lianzuala, Chairman chuan tun tuma Exhibition neih chu Kolasib-a a tum 4-na a ni a ti a. Mizoram KVI Board hian Best KVI Board Award tum hnih alo dawng tawh nghe nghe a ni, a ti.

Pu Tinkhandala, CEO, MKVI Board chuan thu a sawi bawk a.Pu Kaisangzuala, Dy. CEO in inkhawm a tin a ni.