Transport Minister Pu PC Zoramsangliana chuan ‘India Danpui zahawm tak hian mitin min huap a. Eng dan mahin a hmakhalh lo a ni,’ a ti.

He thu hi vawiin khan Bairabi khawtlang NGO hruaitu hrang hrangte a sawipui a. Kolasib DC Conference Hall-ah heng khawtlang hruaitute hi ko khawmin tun hnaia thil thleng hrang hrang Bairabi khua a Doctor dah ngiata motor dan chungchang te, hnam dang pasal nei hmeichhe pahnih khua chhuahsan tura order pek chungchang te a sawipui a ni.

Pu Ramsanga chuan Bairabi khaw hruaituten Dan palzuta chet an thawh dan chuan a barakhaih hle tih a sawi a. Dan hi a lal in a zahawm a. Eng dan mahin India danpui hi a chungnun khalh thei lo a ni, a ti a. Khawtlang aiawh te pawh inen nawn tura chahin khawtlang buaina chawk tho zawnga chet thawh tawh lo tur leh YMA khawmpui bawhbuai zawng phei chuan engmah ti lo turin a chah a. Hei hi zahawm an tih thu Bairabi khawtlang hruaitute chuan an sawi nghal a, an thil tih pawh en nawn an remti a ni.

Minister chuan Bairabi khaw mamawh Doctor post hnawh khah chungchang pawh sawrkar in a hai loh thu leh thawktu tur lak nana advertisement chhuah a nih mek laia khua in nawrh anlo huaihawt chu a thlenna hmasa tur ama hnena zualko nachang pawh hre turin a hrilh bawk a ni. Khua leh tui in humhalh avanga mite ti thlabar zawnga chet pawh bansan se a duh thu Minister hian a sawi bawk a ni.

Minister hi Pi Niharika Rai, DC in a tawiawm a ni.