National Development Council Meeting, New Delhi-a a tel hnu in, Chief Minister Pu Lal Thanhawla chuan vawiin khan UPA Chairperson Pi Sonia Gandhi chu a chenna inah a hmu a. Mizoramin sum harsatna a neih mekte sutkian a nih theih nan hma lak sak turin Chief Minister hian a ngen a. Pi Sonia chuan lo enzui ngei a tum thu alo hrilh a ni. Hemi chungchang hi Finance Minister Pu Pranab Mukherjee hnenah alo thlen tawh thu pawh Pi Sonia-i hi a hrilh bawk a ni. Pi Sonia Gandhi hi damkawr a ni nain, a hna pangngai thenkhat chu a thawk thei a, hrisello hmel a pu lo a ni. Chief Minister tawiawm tu, a nupui Pi Lal Riliani chuan Pi Sonia-i hi a lu chungah kut nghatin a tawngtai a ni.

Mizoramin remna leh muanna kum 25 zet alo hman tawh, New Delhia a lawmna DoNER Ministry leh Mizoram sorkarin a buatsai turah, tel sak ve ngei tura Chief Minister sawmna chu tel theih ngei a tum tur thu alo hrilh bawk a ni. Chief Minister hian PMGSY chungchangah Rural Development Minister Jairam Ramesh a hmu bawk a ni.