No.4351/2020-2021  

Lunglei 21st Aug. 2020 : Vawiin khan YMA Sub Headquarters, Lunglei buatsaihin Ruihhlo halral a ni a, Lunglei District MJA President Pu H. Lalthansanga chuan khuallian niin a hmanpui.

Ruihhlo halralna hun Venglaia neih hi YMA Sub Headquarters, Lunglei President Pu Lalrotluanga'n a kaihruai a, khuallian Pu H. Lalthansanga chuan thu sawiin mitlawmngai leh mi inpe ten ram leh khawtlang tana an thawhna chu ropui a tih thu sawiin ruihhlo an man takte chu man loh ni ta se, thalai tamtak leh chhungkaw engemawzatin an buai phah tur thu sawiin an kal zelna turah Sub Headquarters Anti Drugs Squad (SADS) member-te chu duhsakna hlanin heng ruihhlo halral turte hi a dep kai nghal a ni. 

Vawiina ruihhlo hal ral takte hi No. 4 hawng 61 niin tualchhung rate chuan cheng nuai 48 leh sing 8 man hu a ni a, SADS report in a tarlan danin thla hmasa July ni 5 atanga vawiin thleng khan damdawi ruih chi Alprozolam mum 268 leh Rakzu um 226 bakah No. 4 hawng 107 an man tawh a ni.