No.4350/2020-2021 

Mamit 21st August, 2020 : Vawiin khan DC Office Chamber, Mamit-ah Dr. Lalrozama, IAS, Mamit District Bawrhsap hovin Mamit khawpui chhunga Village Level Task Force (VLTF) thutkhawm a ni.

Meeting-ah hian Covid-19 lak a kan him theih nan Mamit khawpui chhunga Dawr leh kalkhawmna hmun reng rengah Register uluk tak a vawn nise, engemaw thulhah pawh contact tracing awlsam zawk a kalpui anih theih nan tih a ni.

Vawiin thutkhawmah hian Mamit khawpui chhunga zin haw, zin chhuak  leh mikhual neih chungchang sawiho niin eng emaw thulhah Contact Tracing neih a awlsam zawk nan mikhual nei turte pawn veng tina VLTF Secretary-te hnenah in-report zel tur a tih a ni a. MRB Mamit Manager chu Medical hotute'n Rapid AntigenTest tihsak nise, tunkar chhung chu mipui dawr theih loh turin la inkhar hrih tura thurawn pek nise tih a ni. Hei bakah hian Covid-19 rinhlelh veivahna a mite chu an dawr hawng hrih lo tur leh pawn chhuak hrih lo tur a hriattir nise tih a ni a. August ni 10 a Zangena Petrol Pump-a Petrol la, tuna Mamit-a awm mek chu Rapid Antigen Test tih nise, pawn chhuak lo tur a tih a ni bawk.
 
Meeting chuan Covid-19 hrileng avangin harsatna kan tawk chho zel dawn niin alang a, he hrileng nena chenho kan zir thiam a ngaih thu tarlangin, mimal tinte hrileng lak a inven leh kan fimkhur tlan a tul thu a tarlang a. Hemi chungchang hi Y.M.A information mike hmangin a tam thei ang ber puanzar thin nise tih a ni bawk.

Vawiin Meeting-ah hian Mamit khawpui chhunga VLTF hruaitute an tel tha hle a ni.