No.4349/2020-2021 

Mamit 21st August, 2020 : Vawiin khan DC Office Chamber, Mamit-ah District Level Committee on Skill Development & Vocational Training chu an Chairman Dr. Lalrozama, IAS, Mamit District Bawrhsap hovin thutkhawm a ni.

Meeting-ah hian Mizoram Prison Manual, 2017 Para 15.04 zulzuiin he Committee hi din anih thu tarlan a ni a. Jail tangte'n thiam thil an neih theih nan leh an nun an chher theih nan te, Jail atanga an chhuah hnuah pawh chhungkua leh khawtlang tana mi tangkai an nih zui zel theihna tura duan a nih thu tarlan a ni.

Vawiin Meeting-ah hian Pu Lalbiakdika, Superintendent, Mamit District Jail chuan Mamit District Jail hmunhma chu duh anga a zau tawk loh thu tarlangin Jail ram chhungah ran vulh leh huan siam a rem dawn loh thu a sawi a. Hetiang anih avang hian hmunhma awh zau lo tur abik takin Industries Department, KVI leh Horticulture Department kaihhnawih thil, Envelope siam, Book Binding, Frame siam, Mombati siam, Puanthui zir, Pa khawi zir leh a dangte tih nan a rem zawk dawn thu sawiho a ni a. Heng Department-te hian September Ni 10, 2020 ral hmain Jail Superintendent/ Committee Member Secretary hnenah Proposal siama thehlut turin Meeting-ah hian rel a ni.

Vawiin thutkhawmah hian DAO, DVO, SDIO, DUDO Mamit-te bakah DHO Tuidam aiawhte an tel a ni.