Nimin dt.25.11.2015 khan YMA Sub-Hqrs. Lunglei buatsaihin Thuamluaia mual ah Cultural festival cum Rally neih a ni a. Pu S. Laldingliana, Vice Chairman HPC Lunglei chu khuallian niin Pu Hmingthanzuala Director, Arts & Culture chu khual zahawm a ni.

Pu R. Chhuanvawra, Chairman Organising Comtt. chuan inkhawm kaihruaiin Pu S. Laldingliana chuan thusawiin Zohnahthlak hrang hrang tana hnam inpumkhat na YMA Sub-Hqrs. Lunglei in a buatsaih hian rahtha a chhuah a beisei a. Hnam inpumkhat na tur chuan Culture mithiam rualten an duang a, Mizoram ah pawh hnam hrang hrang kan cheng a Culture, Infiamna leh thil dang dang a tangin in unauna kan nei thin a ni a ti. YMA hmalakna avangin Zoram hi pangpar ang mai a vul kan ni a ti bawk. Sawrkar hmalakna hrang hrang te YMA in tawiawm turin a sawm bawk a ni.

Pu Hmingthanzuala Director Arts & Culture pawn thu sawiin Pu Dinga'n Cutural cum Rally a buatsaih sak avangin lawmthu a sawi a. Thalai te tan intihhlim na hi a kalpui thin a, Ministry of Culture hian hnam hrang hrang te hi hnam khat kan ni tih i hre reng ang u a ti.

Pu Lalnunthara President Sub-Hqrs. YMA Lunglei in lawmthu sawi na hun a nei a. YMA Branch hrang hrang ten hnam lam an entir a, MTP Saiha leh Mizoram Gurkha Youth Association Lunglei ten hnamlam hmuhnawm tak an entir bawk a ni.