Vawiin khan Govt. Mamit College Basketball Ground-ah Young Voters Conclave 2018 hman a ni a. Pu Vanlalngaihsaka, District Election Officer, District Bawrhsap ni bawk chuan khuallian niin a hmanpui.

Khuallian chuan Vote nei tharte tana Vote thlak pawimawhna,  hlutna leh Vote nei tharte intawhkhawmna hun buatsaih a ni chu lawmawm a tih thu a sawi a. Election Commission of India chuan mi tupawh Vote nei te'n Vote an thlak ngei chu a duhdan a ni tih sawiin mitinte'n kan aiawha ram rorelna hna thawk tur kan thlan chu kan chanvo leh kan duty a nih thu a sawi.

Kumin inthlanpui kan hmachhawn turah Vote nei tharte leh Vote nei tawhsa te chu Vote thlak ngei turin a sawm a. Young Voters te chu Vote an neih chhan ang taka ngaihtuahna fim tak hmanga Vote thlak a. India khua leh tui kan nih angin Electoral Roll-a inziahluh chu kan dikna chanvo a ni a. Vote neite'n Vote kan thlak ngei hi kan duty a ni a ti. Kan Voters ID Card chu Application chi hrang hrang atan ringawt hmang lova, kan aiawha roreltu tur mi tha thlangchhuahna atana hmang zawk turin Vote nei tharte chu a chah bawk.

Young Voters Conclave 2018 hi Session hniha then niin hemi pual hian zirlai naupang thlanchhuah bikte tan On the Spot Essay Writing Competition, Extempore Speech leh Quiz-te buatsaih a ni.

He hunah hian Pu J. Miahlung, Election Officer, Mamit chuan Young Voters Conclave hmanna chungchanga tul hrang hrangte sawihawnna neiin Pi Mary L. Rodinpuii, SDC Mamit chuan Importance of Voting tih thupui hmangin Presentation a nei a. Pu Lalrinsanga Hnamte, SDC Mamit pawhin EVM/ VVPAT chungchangah kalkhawmte zirtirna a pe bawk.

He hun hi Pi Laltharzeli leh Tv. Lalropuia, SVEEP Team Member-te'n Host-in Mamit District chhunga College pahnih, Mamit leh Zawlnuam-te bakah Higher Secondary School-te atangin Mamit, Kawrthah leh W. Phailengte an tel a ni.