Young Women Christian Association (YWCA) chu vawiin chawhma dar 11:00 khan I&PR Conference Hall, Siaha-ah din a ni.

He pawl dinna-ah hian Miss Ellen Hlychho chu Chairperson niin Rev Z Hrohmo, CCI (M) chuan hunserh a hmang a. Hawnna Ribbon chu Heng pawl hrang hrang Secretary, KNP, CCI (M), New Colony, BKHP, New Siaha, Kohhran Hmeichhia, Synod Siaha, KNP Hqrs, ECM aiawh ten an chepchat a ni. Miss Sophya Khithie chuan Khawvela YWCA leh Siaha-a YWCA report tawi pe in thusawi tawi Pi P.Chaki, President, M.CH.P. Headquarters, Siaha, K.Mc R.Israel Chozah, Secretary, MTP General Headquarter leh Pi Lynn H.Ngohei, Secretary, ECM, KNP Headquarters te hnen atangin ngaihthlak ani bawk.

Hruaitu tharte nemnghehna Rev Z.Hrohmo, CCI (M) in a neih hnu ah a duh a piang te thusawina hun hawn a ni a, He YWCA Siaha-ah hian heng a hnuaia mite hi hruaitu atan ruat an ni : President - Ellen Hlychho, ECM, Vice President - Vanlalchami Hnialum, Synod, Secretary- Sophya Khithie, CCI(M), Asst. Secretary - J.Vanlalhluzuali, IKK, Treasurer- Deshyaley Hlychho, ECM leh Finance Secretary atan Marry Vanlalpeki, BCM te ruat an ni. Programme karlakah hian zaithiam zaite ngaihthlak niin Miss KT Ruatsangi’n lawmthusawina hun hmangin he programme hi a tihtawp a ni.