Youth Hostelling International Centenary leh Youth Hostel of India (YHAI) kum 60 tlin lawmna pualin vawiin khan Youth Hostel, Luangmual hmunah Youth Hostelling International dintu Richard Schirrmann lim chu Parliamentary Secretary Pu S. Laldingliana'n a hawng.
Sports & Youth Services Director leh Chairman, YHAI Mizoram ni bawk Pu Zoliana Royte kaihhruai lawmna inkhawmah Pu S.Laldingliana chuan thu sawiin YHAI hmalakna hrang hrang te a fak a, Youth Hostel hi Mizoram-in a mamawh tak thil a nia a hriat thu a sawi bawk. District zawng zawng YHAI Branch awm theih nan tan lak zel a pawimawh thu a sawi a. Sports Department in Mizo thalaite tan hna a thawh that leh sports discipline hrang hranga hlawhtlinna an hmuh chho zel chu a chhuanawm hle a ni, a ti.
YHAI Chairman Pu Zoliana Royte pawhin YHAI tobul te sawilangin tunah hian YHAI hnuaiah ram 80 an awm mek thu leh kum tin Annual Conference neiin hruaitu thar thlan an nih thin thu a sawi bawk. YHAI hmalakna chi khat National Trekking chu Mizoram-in nikum atang khan a thleng tan ve tawh a, kumin 1-7 November chhung khian India state hrang hrang atangin YHAI member te Mizoram chhunga National Trekking Programme hmang turin an rawn kal khawm leh tur thu a tarlang bawk.
Youth Hostelling International dintu Richard Schirrmann chuan kum 1912 khan Altena, Germany-ah Youth Hostel hmasa ber a hawng a. Kum 1933-36 inkar khan khawvel pum huapin he pawl hi a lar chho ta a ni. Kum 1952 khan Germany sorkar chuan a hnathawh that avangin chawimawina sang 'Bundesverdienstkreuz' a hlan tawh nghe nghe a ni.
Youth Hostel Movement hi India ramah 14 July, 1949 khan Mysore khuaah tan a ni ve a. Tunah hian India ramah Youth Hostel 100 dawn lai sorkar sak a awm a, State 23 leh District 235-ah state branch leh unit an nei a ni. Youth Hostel tum ber chu thalai rual zin thinte tlawm tak, him tak leh fai tak hmuna riahna siamsak leh inhriatthiamna leh zirna lam atanga inhriatthiam tawnna buatsaih a ni. Ram zau zawk leh thian zau zawk hmuh leh neihte hi a thil tum a ni tel bawk.
YHAI Chairman Pu Zoliana Royte pawhin YHAI tobul te sawilangin tunah hian YHAI hnuaiah ram 80 an awm mek thu leh kum tin Annual Conference neiin hruaitu thar thlan an nih thin thu a sawi bawk. YHAI hmalakna chi khat National Trekking chu Mizoram-in nikum atang khan a thleng tan ve tawh a, kumin 1-7 November chhung khian India state hrang hrang atangin YHAI member te Mizoram chhunga National Trekking Programme hmang turin an rawn kal khawm leh tur thu a tarlang bawk.
Youth Hostelling International dintu Richard Schirrmann chuan kum 1912 khan Altena, Germany-ah Youth Hostel hmasa ber a hawng a. Kum 1933-36 inkar khan khawvel pum huapin he pawl hi a lar chho ta a ni. Kum 1952 khan Germany sorkar chuan a hnathawh that avangin chawimawina sang 'Bundesverdienstkreuz' a hlan tawh nghe nghe a ni.
Youth Hostel Movement hi India ramah 14 July, 1949 khan Mysore khuaah tan a ni ve a. Tunah hian India ramah Youth Hostel 100 dawn lai sorkar sak a awm a, State 23 leh District 235-ah state branch leh unit an nei a ni. Youth Hostel tum ber chu thalai rual zin thinte tlawm tak, him tak leh fai tak hmuna riahna siamsak leh inhriatthiamna leh zirna lam atanga inhriatthiam tawnna buatsaih a ni. Ram zau zawk leh thian zau zawk hmuh leh neihte hi a thil tum a ni tel bawk.
Attachment
- Loading attachment...
