Aizawl Development Authority (ADA) chu vawiin chawhnu dar 2 khan Chairman Pu Lal Thanhawla Chief Minister hovin CMO Conference Hall ah an thukhawm a, mipui ten harsatna hrang hrang an tawh thin sutkian nana Building Regulation 2008 siamthat dan tur te an sawi ho. ADA  kalphung zirchiang tura MPCC-in a din Sub-Committee Chairman Pu Andrew Lalherliana hnen atangin ADA chungchang an lo zirchian dan report ngaihthlak a ni bawk. ADA Rules thenkhat siamthat ngaia an hriat, a bikin building rules te ammendment chu thutlukna siam hman lovin meeting leh huna ngaihtuah chhunzawm atan an ti a ni.Ni 9 July, 2010 thlenga insak dilna ADA-in a dawn chu 2144 a ni a, 1878 phalna pek niin 73 chu pawmsak an ni lo a, 143 ngaihtuah mek a ni. Insak thiat tura ngaihtuah mek chu 73 a ni a, thiat tura thupek 26 awmin 1 chu thiah a ni tawh bawk.