No.485/2021-2022

Lunglei the 12th May, 2021 : Mizoram Sorkar chuan Lehkha No.B.13021/101/2020-DMR/Vol-IV dt 07/05/2021 hmangin Covid-19 laka mipui kan him theihna tura inkaihhruaina hmangin thupek a chhuah a. Sorkar thupek bawhzuiin leh Covid-19 laka Lunglei District mipui kan him theih nan thupek chhuah a tul a.

Chuvangin KULOTHUNGAN A, IAS, District Magistrate, Lunglei District chuan Sec. 144, CrPC 1973 in thuneihna a pek angin a hnuaia thupek hi 09/05/2021 khan a ti chhuak e.

Lunglei khawpui chhungah zan dar 7 : 00 leh zing dar 4 : 00 inkarah pawn chhuah khap tlat a ni a. He thupek hian Covid-19 kaihhnawiha duty te, phai atanga bungraw phur in unload, chhiat tawh thil, medical emergency-a VLTF ten phalna an pek leh District Magistrate in phalna a pek te a huam lovang.

He thupek bawhchhetu chu Section 188 IPC hmangin hrem theih a ni ang.

He thupek hian tihdanglam a nih loh chuan chhuah a nih atanga thla hnih chhung a huam ang.

He khapna thupek in a huam loh tur te chu a hnuai a mi ang hian siamthat a ni e.

1. Magistrate duty.
2. District Level Task Force on Covid-19 member-te.
3. Village Level Task Force on Covid-19 member, duty na avanga chhuah ngaite.
4. Police duty, Fire & Emergency duty, Prison duty, Excise & Narcotics enforcement duty.
5. Damdawi In-a hnathawk Doctor, Nurse leh thawktu dang duty te. (Hospital duty)
6. Covid-19 kaihhnawiha team hrang hrang duty heng Covid Care Center duty, contact tracing team, disinfection team, Quarantine Center Nodal Officer leh contact persons etc.
7. Disaster Management Officers and staffs.
8. DIPRO leh staff Official night duty te.
9. PHE leh P&E Department-a emergency leh night duty te.
10. Print and Electronic Media.
11. Medical emergency leh damlohna thil leh chhiat tawh thil a veng danga kal ngai, an veng VLTF hriatpuina lehkha keng.
12. Para-Military Force duty te.
13. Essential Commodity phur lirthei-te.
14. District magistrate leh Sub-Divisional Magistrate-in phalna a pek te.