Vawiin khan Chief Minister Pu Lal Thanhawla hovin CM Office Cabinet Meeting Room-ah Zarkawt Community Hall sak tur a ruahmanna siam te thlir ho a ni. Minister Pu Lal Thanzara pawh he meeting-ah hian a tel.

Chief Minister chuan Zarkawt Community Hall chu khawtlang mipui ten a tangkai thei ang bera an hman turin buatsaih a, a sak danah pawh fimkhur taka ruahmanna siam a, vantlang tan thahnemngai taka hma lak pawimawh a tih thu a sawi.

Zarkawt Community Hall hi NEDP project niin, estimate amount chu Rs. 7 crores a ni a. Main Hall/Badminton Court, parking area, gym, office, chowkidar office leh a dangte tel tura ruahman a ni. Vawiin meeting-ah hian Zarkawt khawtlang hruaitute leh tlawmngai pawl hruaitute an tel a ni.