3369/2022-2023
Aizawl 25th January 2023: Mizoram State Sorkar Notification No.B.12021/10/04-TRP Dt.22.8.2008 leh Section 115&117 of MV Act, 1988 in thuneihna a pek angin, Superintendent of Police, Traffic chuan Zarkawt Local Council ten Zarkawt phei ICICI Bank bul kawngpui laihchah a Hume Pipe phum hna an thawh dawn avangin ni 28.1.2023 (Inrinni) Zan 7:00 atanga ni 30.1.2023 (Thawhtanni) Zing dar 5:00 thleng Zarkawt phei ah lirthei engchimah a tlan theih dawn loh avangin a hnuaia mi ang hian lirthei tlan dan tur thupek a chhuah.
I. LMV leh a hnuailam :
1. Hmarlam atanga chhimlam pan tur te
a) Chanmari atangin Lower Zarkawt-ah kalin Israel point-ah an chhuak thei ang.
b) Chanmari Hrangbana College bul atangin Zarkawt MC Donald Hill kaltlangin an kal thei ang.
2. Chhimlam atanga Zarkawt kaltlanga Chanmari lam kal turte chu MC Donald Hill-ah chho in Hrangbana College-ah an chhuak thei ang.
II. City Bus:
City Bus chhimlam service chhim lam atanga lo kal te chu Canteen kual ah an kual let anga, chhimlam ah an let leh ang. Hmarlam service te pawh Chanmari ah an kual anga hmarlam ah an let leh ang.
III. Motor lian (HMV) :-
HMV Bawngkawn atanga Zarkawt paltlanga chhimlam pan turte chuan World Bank road lamah kalin Ngaizel lam atangin Aizawl khawpui chhung an lo lut thei anga, Canteen kual ah kualin chhim lamah an tlan let leh ang. Bawngkawn atanga Zarkawt paltlang lo turte chu Chanmari thleng kal theih a ni thung ang.
IV. No Parking :-
Zarkawt to Chanmari via Zarkawt MC Donald Hill inkarah 28.1.2023 (Inrinni) Zan 7:00 atanga ni 30.1.2023 (Thawhtanni) Zing dar 5:00 thleng lirthei engchimah dah/Park phal a ni lo.
He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang. Tin, a hmuna Traffic duty ten a tul dan azirin ruahmanna an siam thei bawk ang.
