3368/2022-2023

Khawzawl, the January, 2023: National Voters' Day, 2023 chu ram chhung hmun dangte rualin Khawzawlah pawh vawiin chawhnu dar 2:00 khan DC Conference Hall-ah District Bawrhsap, District Election Officer ni bawk Pu C.C. Lalchhuangkima hova hman a ni. District Election Officer hian vote nei thar mi 10 te hnenah EPIC a hlan bakah BLO thawk tha zual thlan chhuah mi 7 te hnenah Best BLO Award a hlan bawk.

He hunah hian District Bawrhsap Pu C.C. Lalchhuangkima chuan thu sawiin, India ramah kum 1951-ah vote nei mi vaibelchhe 17 an awm thu leh, kum 2019 inthlanpuiah khan vote thlak 67% an awm laiin vote nei mi vaibelchhe 17 deuh thawin vote an thlak lo tih a sawi a. Kumin November thlaah MLA inthlanpui neih anih tur thu leh nakumah MP thlanna neih a ni leh dawn tih sawiin, inthlanna neih turahte voting percentage a tam theihna tura inzirtirna neihna turin Voters' Day pawh hi ruahman a ni, a ti a. Vote tla a tam theihna turin BLO te pawh mahni vengah tanla turin a fuih a. Kum bithliaha anga thenin thalaite zingah vote thlak an tlem deuh thin thu sawiin, vote nei tharte chu an pawimawhna hrechianga, vote thlak ngei turin a chah a ni.

Vawiin Programme-ah hian SDC Pu Obed Lalmalsawma kaihhruaiin National Voters' Day thutiam sawirualna neih a ni a, ECI hla  ngaihthlak a ni bawk.