No.6118/2020-2021

Mamit 15th October, 2020 : Vawiin khan Zawlnuam Presbyterian Centenary Hall- ah Assistant Registrar Cooperative Societies (ARCS), Mamit District buatsaihin Pradhan Mantri Vandhan Yojana (Vandhan Mission) chungchang leh loneitute thlai chin dan, a enkawl dan inzirtirna leh inhrilhhriatna hun hman a ni.

Pu Lalthangfala, Nodal Officer, Vandhan Mission Mamit- chuan Technical Report pein he Mission-in a tum ber chu thingtlang loneimite chawikan a, an thlai tharchhuahte man man zawk leh awlsam zawka an hralh zung zung theihna tura Sawrkar- in ruahmanna a siam anih thu a sawi a, Society Members-te hamthatna awm thei hrang hrangte a tarlang bawk. Pu Lalhmingmawia, SDAO, Zawlnuam chuan he huna kalkhawmte hi zirtirna a pe a ni.

PMVDY Training Programme hi Mamit District chhunga khaw pali, W. Phaileng, Darlak, Tuidam leh Zawlnuamah te Covid- 19 SOP-in a phal chin angin Kuthnathawktute tan Training- hi buatsaih a ni tawh a ni.

Vawiin Training- hi chawhma leh chawhnu huna then niin Pu RC Edenthara, Chairman, Zawlnuam Consumer Cooperative Society Ltd chuan a kaihruai a. He hunah hian Zawlnuam khaw chhunga kuthnathawktute bakah khawtlang hruaitute an tel a ni.