Tukin zing dar 7:00 khan Pu Laldawngliana Sailo, CMO Serchhip chuan Zeng hri danna pek beihpui thlak a hawng.

Beihpui thlak hawnna kaihruaitu Dr. Lalhlunpuii, District Immunization Officer chuan thu sawiin zeng hri danna hi naupang kum 5 hnuaia lam hnenah kum tinin tum hnih pek a ni thin a. Tun dinhmunah chuan India ramah zeng hri hmuh chhuah a awm tawh lova. Mahse thenawm ramahte he hri hi hmuh ala nih avangin invenna hi ti tawp mai lovin kum khat atan tum khat pekah hman a nih tak thu a sawi a. Nu leh paten hri danna hi ka ngaipawimawha, kan fate kan ei tir zel anih chuan zeng hri hi um bo vek theih a nih thu a sawi bawk.

Zeng hri danna hi Serchhip khaw chhungah chuan hmun 23 ah pek a ni a. Vawiina hri danna la ve lo an awm em tih zawng chhuakin in tinah an kal chhuak dawn bawk a ni.