Kolasib District chhunga naupang kum 5 hnuai lam hnena zenghri danna pek dan tur vawiin khan District Bawrhsap Pu H.Lalengmawia hovin District Task Force on IPPI (Pulse Polio Immunization Programme) ten a pisa-ah an sawiho.

Kolasib District-ah hian Oral Polio Vaccine (OPV) hi naupang kum 5 hnuai lam 10,048 hnena pek tura ruahman a ni a, vaccine pekna turin booth 106 hawn a ni ang. Booth hawn bakah hian Booth hawn remchan lohna hmun khua leh veng ten vaccine an lak ve theih nan mobile unit siam a nih dawn bakah, hemi ni a zin chhuak lo awm te tan Diakkawn Kolasib-ah Transit booth siam a ni dawn bawk a ni. Tun tuma OPV pek tur hi kum 2017 atan 1st round a ni a, 31st January, 2017 ah pek a ni ang. 4th April, 2017 ah 2nd round tan leh a ni ang.