Vawiin khan Govt. Higher Secondary School, Mamit ah 7th National Voters Day 2017 thupui “ Empowering young and future voters” tih hmangin High School atanga College zirlaite tan Essay Inziahsiak buatsaih a ni a, Pi H. Lalchhandami, Election Officer Mamit chuan a hmanpui.

Pi H. Lalchhandami, Election Officer chuan hetiang hun hi Mamit ah a awm vawikhatna a nih avanga lawmawm a tih thu sawiin zirlai kalkhawmte chu tunah vote nei thei la ni lo mahsela, vote nei thei tura Electoral Roll a inthun pawimawhzia hrechiang tur leh midang zirtirtu ni turin a chah. Kum tling chinte Roll a thun ngei hi Election Commission of India in a ngaihpawimawh em avanga theih ang ang a inzirtirna kalpui a nih thu sawiin mawhphurtute hmalakna avangin Mamit District chu Election Commission of India ah pawh a mikhual tawh lo hle tih a sawi bawk.

He Essay Inziahsiak ah hian Mamit khawpui chhung atangin zirlai 32 an tel a, zirlai pasarih in saptawngin an ziak a, midang 25 in mizotawng in an ziak thung a ni. Ni 25/1/2017 a 7th National Voters Day hmanna ah result puan leh lawmman sem a ni ang.