Sawrkar laipui Ministry of Information & Broadcasting hnuaia Films Division chuan Information & Public Relations Department nena tangkawpin January ni 30 atanga February ni 7 chhung hian film-making cum film-festival chu Lungleiah a buatsaih dawn.

Films Division hian Mumbai International Film Festival (MIFF) a lawmman la pha film tha tak tak tihchhuah dawn bakah Mumbai leh Kolkata atangin film siamtu larte an rawn hruai dawn a. A lokal tur zingah Sumit Ghosh, Adinath Das leh Harikumar Pillai te pawh an tel a ni. Film siam dan workshop ni 9 chhung neih a ni dawn a, workshop-a tel te nen tangkawpin an cham chhung hian film pahnih siam a ni ang. Workshop-a tel duhte chuan lungleidipr@gmail.com kaltlangin District IPRO Lunglei Pu Vanlalmuana hnenah emaw Dy.Director General (I/C) of Films Division, Govt. of India hnenah jjoshy@gmail.com kaltlangin dilna thehluh tur a ni.

Dil duh chuan workshop a tel an duh chhan word 100 velah seia ziakin resume thil tel tur a ni a. Aizawla film festival lo neih tawha film an siamte bakah Nagaland, Tripura leh Assam a film an siamte tihchhuah a ni bawk ang.