Vawiin hian Lawngtlai District chhunga naupang kum 5 hnuailam te hnenah Zenghri danna damdawi (Polio Vaccine) kumin chhunga a thawh khatna atan pek tan a ni a, Lawngtlai Bawrhsap Pu. J. Hmingthanmawia chuan tukin khan Areopagy ah naupangte hnenah damdawi hi pe in a hawng a ni.

Naupang kum nga hnuai lam te hnena Zenghri danna pek run pui hi North East India ah a ruala kal pui a ni a, World Health Organization in kum 2019 ah khawvel atanga Zenghri natna um bo a tumna kal zelah he programm hi kal pui a ni a, India ram bik phei hi chu Zenghri natna atanga fihlim tawh ramah kum 2014 khan WHO hian min puang tawh nain kan thenawm ramte ah he natna hi a la awm avangin la kal pui zel a ni rih a ni.

Lawngtlai District-ah hian vawiin atangin khawtinah he damdawi pek run pui hi neih tur a ni a, ni thum chhunga zawh hman beisei a ni.Health Worker te Report tlangpui atanga a lan dan in District chhungah hian naupang 17795 pek tur an awm ni a beisei a ni a, District Immunization Officer Dr. Zothanpari Chhakchhuak hovin Team hrang hrang a in siam in vawiin atang hian khaw hrang hrang an pan hlawm a ni.