Vawiin khan ZENICS leh ICT Department thawktute chuan kum nga leh a chanve chhung ZENICS Chairman lo ni tawh, Rajya Sabha MP thar Pu Ronald Sapa Tlau lawmpuina leh thlahna hun Agriculture Conference Hall-ah an hmang.

MP Pu Ronald Sapa Tlau chuan thawktute duhsakna chungah lawmthu sawiin, Party MP nilova Mizo mipuite MP nih a tum thu leh, teihtawp chhuaha a mawhphurhnate hlenchhuah a tum thu a sawi.

Pu Ronald Sapa Tlau hi January ni 23, 2009 atang khan ZENICS Chairman hna hi a lo chelh tawh a. Vawiin hun hi Pu C. Lalhmachhuana, Secretary, DICT-in kaihruaiin, Pu Lalthlamuana, Chief Informatics Officer, DICT bakah ZENICS Board of Directors leh thawktu aiawhten thlahna thu an sawi bawk a ni.