Vawiin khan Mamit MZP te chuan an huamchhunga Kum 2014 HSLC, HSSLC leh Bachelor Degree-a mizo zirlai titha te chawimawina Chhim Veng YMA Hall- Mamitah an nei a, he hun hi Pu John Rotluangliana FCS &CA etc Minister leh Bialtu MLA ni bawk chuan khuallian niin a hmanpui.
Khuallian Pu John Rotluangliana chuan thusawiin chawimawi tlak zirlai a bial chhunga an awm chu lawmawm a tih thu leh chawimawi tlak chawimawina chang hria MZP te an awm chu lawmawm a tih thu a sawi a, Zirlaite chu an zirlai tuichilh tur leh theihtawp a zir tura fuihin, hmantlak,chhawrtlak thiamna paw chhuak ngei turin a fuih a, zirtirtu te pawh naupangte hriatthiam zawnga zirtirna pe thin turin a chah bawk. Chawimawina dawng zirlaite chu chawimawi zel tlaka zir chho turin a chah bawk a ni.
He hunah hian Pi Vanlalawmpuii, Chawngthu MLA chu khualzahawm niin zirlaite chu ram leh hnam nghahfak kan nih inhre thar turin leh taima tak leh tum mumal tak nei chunga lehkha zir turin a chah bawk.
Mamit District Bawrhsap Pu K. Lalthawmmawia bakah official dangten he hun hi an hmanpui a ni.
Vawiina chawimawi tak zirlai te hi an vaiin 23 an ni a, HSLC ah mi 3, HSSLC ah mi 9 (Art ah & Science ah mi 4) leh Bachelor Degree ah mi 11 te hnenah chawimawina thilpek hi hlan a ni.
Vawiin Zirlai titha te chawimawina hun hi Pu Lalropuia President MZP Mamit in a kaihhruai a ni.
