Vawiin khan Lawngtlai District Child Protection Committee chu Lawngtlai Addl. DC Pu R. lalsangluaia hovin an thu khawm.

District Child Protection Society hnuaia Child Protection Committee vawiina neihah hian April - September 2014 chhunga District Child Protection Society in hmalakna a neih hrang hrang te thlirletna neih a ni a. Member Secretary Pi Mary Lalremruati, DCPO Report –a a lan danin thla ruk chhung hian Child Welfare Committee (CWC) thutkhawm vawi 30 neih a ni a, case 34 zet ngaihtuah hman a ni. Tin, Juvenile Justices Board (JJB) vawi 14 thutkhawm neih a ni a, JJB case 4 ngaihtuah hman a ni bawk. Hei bakah hian Counseling ngai mi 13 an hnenah an lut hman bawk. Heng case hrang hrang Child Protection Society a lo lutah hian nu leh pa thuawih loh vanga report (Unfit Parent) an tam ber a ni.

Vawiina meeting ah hian hmalak zelna tur eng emawzat ngaihtuah ho nghal a ni a, chung zinga a lar zual te chu Shelter House neih ve dan tur chung chang te, Lairam Adoption Center, tuna sak mek chu zawh thuai a nih theih dan tur te a ni.

Vawiina meeting ah hian member te an kal kim hle a ni.