Road Safety Week, 2019 pualin vawiin khan Govt Mamit High School leh Higher Secondary School-ah te Lirthei leh a kaihnawiha fimkhur tura inzirtirna neih a ni.

Zirtirna hi District Transport Office atangin Pu Benjamin Vanlalhmangaiha Sailo, Inspector leh Traffic Police lam atangin Pu T. Thuamchungnunga, Inspector-te'n an nei a, kumtlinglova lirthei khalh chu dan kalh tlat niin man theih an nih thute, School bang kawngpuia kalte fimkhurna tur hrang hrangte bakah Lirthei leh a kaihnawiha hriat tur hrang hrangte zirtirna an nei a ni.

District Road Safety Week, 2019 meeting-in a lo rel tawh angin zirlai naupangte hnena zirtirna bakah hian mipui phur lirthei khalhtute hnenah an hun neih dan mila Lirthei khalh kawnga fimkhurna tur hrang hrangte zirtirna hi neih leh tum a ni ang.

30th Road Safety Week 2019 denchhen hian District Transport Office, Traffic Police leh Excise tangkawpte chuan NH 44 A, Mamit pengah duty-in Lirthei veivakte endik hnathawh mek a ni bawk.

Attachment

  • Loading attachment...