Nimin khan Pu P.C. Lalthanliana, Social Welfare Minister chuan Pangzawl Student Union (PSU) in an khua zirlai HSLC/HSSLC tithate chawimawina hun an Community Hall-ah a hmanpui.
Minister chuan zirlai kalkhawmte chu mihring nun kawngah tumruhna leh taimakna bakah mahni kalna tur kawng thlan fel a tulzia leh a thatzia a hrilh a. Hna tha tak tak dang a zawm theih laiin a ni pawhin a kawng tur atan Politics a thlang a, kum tam tak hlawhtlin tumin a bei a. Kum 25 zet hnuah hlawhtlinna a chang a ni. Chutiang chiah chuan zirlaite pawh an tuina leh hlawhtlinna ngei tur thlang a, taima taka bei fan fan turin Minister chuan a fuih a ni.
Pu Lalthanliana hi SSA District Project Coordinator in a tawiawm a ni.
