Vawiin khan Lt Facility Management kaltlanga Aloft Hotel, Ahmedabad-a on the Job Training-a kal tur Mizo thalai mi 25 te thlahna hun leh Lt Facility Management Office thar hawnna hun hman a ni a. Mizoram Youth Commission Chairman Pu T Sangkunga chu khuallian a ni.

Pu T Sangkunga chuan thalai eizawnna bulbal neilote training pe a theihtawpa lo buaipui thin tu Lt Facility Management te chu fakawm tiin an kal zelna turah duhsakna a hlan a. Thalai rual mi 25 training nei turte pawh taima leh dawhthei taka zir turin a chah a, a laklawhah tawp san mai lova hlawhtlin tum ngei turin a fuih a ni.

He hunah hian MYC Secretary Pu JT Vanlalngheta buatsaih Mizo-English Dictionary, 'The Concise Learner's Dictionary of Mizo' New Edition chu Pu T.Sangkunga hian a tlangzarh nghal bawk a ni.