Nimin khan Govt. Mamit College zirlai mi 34 te hnenah Scholarship cheque Hindustan Petroleum Corporation Limited a hlan Scholarship Cheque hlanna hun hi Multipurpose Hall ah neih a ni a, Dr A.P.K Singh Principal Govt Mamit College in kaihruaiin, zirlaite tanpuina tura cheque hlantu Hindustan Petroleum Limited hotute hnenah lawmthu a sawi a ni.

Pu H. Lalzirliana Manager HPCL chuan Govt. Mamit College zirlai thlan bik 34 te hnenah cheque hi hlanin, zirlaite chu an pawisa dawnte tangkai tak leh an zirna tihhmasawnna kawnga hmang turin a chah a, leh an zir leh zelna turah duhsakna a hlan a ni. Hindustan Petroleum Limited te hian hnam hnufual chawikanna turin tha an thawh thin a, Mamit khuaah hian St. Francis Of Asssi School leh Presbyterian English Medium School te bus pakhat ve ve an lo pe tawh a ni.